Tour de Qazaly

Веложарыс Қашақпай Пірімов атындағы ауылдан бастау алды. Жарысқа қатысушыларға аудандық ішкі саясат бөлімінің басшысы Әділхан Жөлекешов сәттілік тілеп, бұл шараның бұқаралық спортты дамытудағы рөлін атап өтті.
Әйтеке би кентіндегі «Жеңіс» саябағының алдындағы мәреге алғашқы болып Дәурен Бекет жетіп, жеңімпаз атанды. Ал, Бағдат Әбекенов пен Бауыржан Орынбасаров ІІ, ІІІ орындарды өзара бөлісті. Веложарыстың жүлдегерлерін аудан әкімінің орынбасары Әліби Әбиев құттықтап, жеңімпазға жаңа велосипед табыс етті.
Жарысты ұйымдастырушылар велосипед тебуді жақсы көретін әуесқой спортшыларды назардан тыс қалдырмады. Велошабандоздарды бірнеше номинация бойынша марапаттады.