Мәнерлеп сырғанаушылар куәлік алды

«Мұз айдыны» спорт кешенінде ҚР Тәуелсіздігінің 26 жылдығы мерекесі қарсаңында қызылордалық жас мәнерлеп сырғанаушылар көрсетілім қойды. Республикалық, халықаралық жарыстардың жеңімпаздары мен жүлдегерлері өз өнерлерін ортаға салды. Сондай-ақ, жетістіктеріне орай спортшыларға жасөспірімдік разряд куәліктері табысталды.

«I жасөспірімдік разряд» -  Манас Бекташов, Алина Жанділдаева, Диана Жармұхамедова,      «II жасөспірімдік разряд»  -  Ариана Дигай, Жансая Есен, «III жасөспірімдік разряд»  - Аянат Қасымова, Нұрай Нақып, Малика Жармұхамед,  Қымбат Мұхамеджанова, Амина Сұлтан марапатталды.

      Айта кетейік, жақында Алматы қаласында өткен халықаралық турнирде облысымыздың жасөспірімдер құрама командасы жақсы өнер көрсетіп, 4 жүлдені иеленген болатын.