«Барселона» футболдан Испания чемпионатының 17-ші турында мадридтік «Реалды» ойсырата ұтты. Мадридте өткен кездесу қонақтардың басымдығымен, 3:0 есебімен аяқталды. Ойынның бірінші таймында есеп ашылған жоқ. Алғашқы голды екінші таймның 54-ші минутында Луис Суарес соқса, арада он минут өткенде Лионель Месси пенальтиден тағы бір голды өткізді. Айқын басымдыққа ие болған команданы 93-ші минутта Алейкс Видаль тағы бір голмен желпінтіп тастады. Осылайша, 17 ойында 45 ұпай жинаған «Барселона» чемпионатта көш бастап тұр.