Қазақстандық екі спортшы – ауыр атлет Владимир Седов және көркем гимнастшы Сәбина Әшірбаева допинг сынамалары оң нәтиже көрсеткені үшін ойындардан шеттетілді. Сәбина Әшірбаеваның 2017 жылдың сәуірінен маусымына дейін төрт рет фуросемид, гидрохлортиазид және хлортиазидке сынамалары оң нәтиже көрсетті. Енді ол жарыстардан екі жылға шеттетілді. Ал Владимир Седовтің 2008 жылғы Олимпиададағы допинг сынамасы оң болып шықты. Бұл 2016 жылы белгілі болды. Қайта тексеру кезінде спортшының қанынан станазалол табылған.