ОНЫНШЫ БЕЛЕС
Бірінші орта салмақта жұдырықтасатын қазақстандық кәсіпқой боксшы, жастар арасындағы WBC нұсқасы бойынша алтын белбеудің иегеріСадриддин Ахметов өзінің 10-шы жеңісіне қол жеткізді.
Осыған дейін тоғыз жекпе-жек өткізіп, барлығында басымдық танытып, сегіз қарсыласын есінен тандырған 21 жастағы жерлесіміз бұл жолғы бәсекесін Канаданың Квебек қаласында өткізді. Ол 31 жастағы мексикалық Джон Наварретемен жұдырықтасты. Қарсыласы сол күнгі дейін 51 рет шаршы рингке көтеріліп, 33 айқасты өз пайдасына шешкен. 15 кездесуді мерзімінен бұрын аяқтады. 16 рет жеңіліп, тағы екі жекпе-жекте тең есеп тіркелді.
Квебектегі кездесудің басынан-ақ тізгінді өз қолына мықтап алған Садриддин Ахметов қарсыласына әбден састырды. Мексикалық боксшы да жанкешті екен. Ол қайсар қазақтың ауыр соққыларын өзіне қабылдағанымен, көпке дейін шыдап бақты. Бірақ соңғы сегізінші раундаДжон Наваррете өзінің жеңілгенін мойындап, рингке шығудан бас тартты.
Ерасыл ШӘРІБЕК
