Tesla Roadster ресми түрде ғарыш кемесі болып тіркелді
Илон Масктың SpaceX компаниясы бірер күн бұрын ұшырған Tesla Roadster автомобилі NASA HORIZONS мәліметтер базасына ғарыш кемесі ретінде тіркелді.
HORIZONS Тesla Roadster ғарыш кемесі туралы толығырақ ақпарат беруге тырысты.
«Кеме деп отырғанымыз — ішіне скафандр киген манекен отырғызылған Tesla Roadster автомобилі. Сондай-ақ, ішіне Hot Wheels компаниясы ұсынған ойыншық родстер орнатылған», — делінген хабарламада.
Көлікте ақпарат жазатын құрылғы бар. Мұнымен қатар, ішіне Айзек Азимовтың «Основание» атты кітабының электронды нұсқасы орнатылған. Автомобильге SpaceX компаниясының 6 қызметкерінің есімі жазылған тақта қыстырылған. Ғарыш кемесінің жалпы салмағы — 1250 кг.
