Бүгін «Jas Otan» Жастар қанаты Қызылорда облыстық филиалының ұйымдастыруымен велошабандоздар, әуесқойлар және жастар ұйымдары өкілдерінің қатысуымен веломарафон өткізілді.
Веломарафонның мақсаты – жастардың бос уақытын тиімді пайдалану, спортпен тұрақты шұғылдануға тарту, веложүргіншілікті серік еткен тұрғындарды ынталандыру және салауатты өмір салтын насихаттау болып табылады.
Қызылорда облысының спорт басқармасы және жастар саясаты мәселелері басқармасының қолдауымен өткізілген велошеруге 50-ден астам өңіріміздің велошабандоздары, әуесқой спортшылар, жасотандықтар және жастар ұйымдарының еріктілерінің қатысты.
Сөре «Сыр-Ана» алаңынан басталып, Сұлтан Бейбарыс - Тәуелсіздік көшелері арқылы «Евразия» спорт кешенінде мәремен аяқталды.