Лагерде волонтерлар 3 топқа бөлініп, волонтерлік қызметте қажет ететін тәжірибелік, құқықтық, медиа білімін жетілдірді. І топ тренері Сабыржан Кеңшілік жергілікті және халықаралық деңгейдегі волонтерлік тәжірибелер туралы тренинг жүргізсе, ІІ топта «Волонтерлік ұйымдардың жұмысын құқықтық сауатты жүргізу» тақырыбында Жақып Шаймұханбетұлы құқықтық дәріс берді. Ал, ІІІ топ тренері Асхат Әбдіразақ волонтерлік қызметті өзгелерге насихаттауды заман талабына сай әлеуметтік желілерде жүзеге асырудың тиімді жолдарын талқылады. Әлеуметтік желіні қалай сапалы жүргізу, қажетті аудиторияны тарту жолдары, әдемі суреттер мен мәтін жазу сырлары және өзге де инстаграм фишкаларымен бөлісті.

Жобаның аясында волонтерлік ұйымдар мен бастамашыл топ өкілдерінің қатысуымен Тағзым алаңы маңында эко-акция жүргізілді. Қатысушылар мәдени және тарихи демалыс аймақтарында тазалық жұмыстарын жүргізу арқылы қала жастарын тазалыққа және қоршаған ортаға зиян келтірмеуге шақырды. Қатысушылар сертификат алғыс хат және бағалы сыйлықпен марапатталды.