«Еріктілер штабы» ашық есік күнін өткізді
Облыстық «Еріктілер штабы» «Бақытты отбасы» орталығында атаулы әлеуметтік көмек алатын және өтінім білдірген қала тұрғындарына волонтерлік түсіндірме жұмыстарын жүргізіп, сала мамандарының қатысуымен ашық есік күнін өткізді.
Шара барысында «Жастар ресурстық орталығы» мен Қызылорда облысының жұмыспен қамтуды үйлестіру және әлеуметтік бағдарламалар басқармасы және жоғары, техникалық және кәсіби білім беру ұйымдары арасындағы волонтерлік қызмет және жас еріктілерді қолдау мүмкіндіктері туралы жастарға кеңес беру, ақпараттандыруды қалыптастыру жөніндегі өзара іс-қимылы туралы 3 жақты меморандумға қол қойды. «Еріктілер штабы» АӘК алушыларға волонтерлік қызметті жыл бойы ұсынатын болады.
