Мемлекет басшысының шақыруын Джоко Видодоға Қазақстан парламенті сенатының төрағасы Қасым-Жомарт Тоқаев жеткізеді, деп хабарлайды Baq.kz ақпарат агенттігі NewTimes.kz сайтына сілтеме жасап.Тоқаев Индонезияға 12-14 наурыз аралығында жұмыс сапарымен барады.

  «Сапардың басты жаңалығы – Тоқаевтің Индонезия президенті Джоко Видодомен кездесуі болмақ. Мемлекет басшысының тапсырмасы бойынша Сенат Төрағасы индонезиялық көшбасшыны ресми сапармен Қазақстанға келуге және әлемдік, дәстүрлі діндер көшбасшыларының VI съезінің жұмысына қатысуға шақырады», - делінген хабарламада.

  Парламентаралық байланыстарды нығайту үрдістері Қазақстан Парламенті Сенатының Төрағасы мен Индонезияның Халықтық Консультативтік Съезінің басшылығымен талқыланатын болады. Келіссөздер барысында екіжақты саяси және экономикалық ынтымақтастық мәселелерін талқылау жоспарланып отыр.

Baq.kz