Африкадағы құмды дауыл салдарынан Грузияда қызыл түсті қар жауды, деп хабарлайды Вaq.kzақпарат агенттігі.

Грузияның Аджария ауданындағы Годердзи тау-шаңғы курортында қызғылт түсті қар жауды. Бұны мамандар Солтүстік Африка мен Таяу Шығыс елдерінде құмды дауылдың соғуымен жəне ауа ағымдарының сол жақтан қызыл шаңды əкелуімен түсіндірген. Осы себептен жұма күні Тбилиси қаласында да түрлі-түсті шаңы бар жаңбыр жауған.

Синоптиктердің мəліметінше, құрамында құмы бар бұндай жаңбыр мен қардың адам мен экологияға зияны жоқ. Осындай түрлі-түсті жауын мен қар Ресей мен Украинаның бірқатар ауданында да түскен.