24-25 наурыз күндері Қызылорда қаласында жауынгер-интернационалист Батыржан Шалғынбаевты еске алуға арналған футзалдан республикалық турнир мәресіне жетті.
Биыл 22-шы мәрте ұйымдастырылған турнирге  Байқоңыр қаласы, Ақтау, Оңтүстік Қазақстан және Қызылорда облыстарынан  16 команда  қатысып, үздіктері анықталды.
Екі күнге созылған жарыс қорытындысы бойынша «Азамат» командасы бірінші орынды иеленді. Олар финалда «Зенит» командасын ұтты. Ойынның негізгі уақыты тең аяқталғандықтан жеңімпаз тек айып добын орындау барысында анықталып, есеп 4:3 болды. Үшінші  орынды ақтаулық «Ынта» командасы, төртінші орынды «Олимпик» командалары иеленді.