Бүгін Қазақстанның Шымкент, Қарағанды, Ақтөбе қалаларында ауа сапасы нашарлайды, деп хабарлайды Baq.kz ақпарат агенттігі Қазгидромет-ке сілтеме жасап.

Синоптиктердің болжамына сәйкес, Астана, Атырау, Ақтау, Қостанай, Қызылорда, Павлодар, Петропавл, Талдықорған, Өскемен қалаларында метеожағдайлар жақсарып, зиянды заттардың сейілуіне ықпал ететін болады.

Керісінше Шымкент, Қарағанды, Ақтөбе қалаларында метеорологиялық жағдайлар атмосферада ластаушы заттардың шоғырлануына алып келеді.

Қолайсыз метеорологиялық жағдайда елді мекендердегі атмосфералық ауаның сапасы нашарлауы мүмкін. Ластану деңгейінің қалыптасуын анықтайтын маңызды факторлардың бірі - синоптикалық ахуалдың (жел, жауын-шашын, ылғалдылық, ауа температурасы) болжамы.