Головкиннің келер қарсыласы анықталды
ESPN телеарнасының тілшісі Дэн Рафаэль Лас Вегаста 5 мамырда Геннадий Головкинмен (37-0-1, 33 КО) жекпе-жекке шығуы мүмкін басты үміткерді атады, деп хабарлайды Вaq.kz ақпарат агенттігі Sports.kz басылымына сілтеме жасап.«Әзірге ресми емес, бірақ көптеген дереккөзге қарап, 21 жастағы мексикалық жас спортшы Хайме Мунгия (28-0, 24 КО) қазақстандық GGG қарсылас болуы мүмкін. Егер Невада штатының Атлетикалық комиссиясы оны Сауль Альвареске алмастыра алатынын растаса, онда Лас-Вегастағы MGM Grand-та 5 мамырда екеуінің жекпе-жегі өтеді», - деді Рафаэль.
Айта кетейік, Головкин промоутері Том Леффлер о бастан мексикалық Хайме Мунгиидің кандидатурасын қарастыруда сенімді болмады. Ал Геннадиймен бокстасуға үміткерлердің тізімінде ирландиялық Гэри О’Салливан (27-2, 19 КО) басты спортшылардың бірі болған.
