Клуб қорында қазақ, орыс, ағылшын тілінде жазылған кітаптар бар, сонымен бірге ертегілер, қазақ әдебиеті, әлем әдебиеті, тарих, бизнес, мотивация, детектив секілді түрлі жанрдағы кітапты таба аласыз. Сатып алуға мүмкіндігіңіз жетпесе, оқу залында оқи аласыз немесе ұнатқан кітабыңызды жалға алуға болады. Бұл орталықта зағип жандарға да мүмкіндік қарастырылған. Олар арнайы аудиокітап тыңдай алады.

Бұл орталықта кітап оқумен қоса достарыңызбен «Clash flow», «Мафия» секілді ойындар ойнап, уақытты қызықты өткізе аласыз. Бұдан бөлек, кәсіпкерлік кездесуге арналған «Networking» бөлімі және ағылшынша, түрікше, орысша тілдерін тез меңгеруге жәрдемдесетін клуб бар.

Оқырмандар клубының ұйымдастырушылары бір-бірімен кітап алмасып оқуға мүмкіндік беретін «кітап алмасу» шарасын және белгілі бір кітапты оқып, талдайтын «сөйлесу клубын» ашуды жоспарлауда.