Елбасының «Болашаққа бағдар: рухани жаңғыру» бағдарламасы аясында аудандық Қ.Қазантаев атындағы мәдениет үйінде алты Алаштың ардақтысы болған М.Шоқай туралы түсірілген Доқтырхан Тұрлыбековтің «Ардағы еді түркінің» деректі фильмінің тұсаукесер рәсімі өтті. Жаңа тың тарихи деректермен айшықталып түсірілген фильмді жиылған көпшілік тамашалап, өз әсерлерімен бөлісті.

Тұсаукесер рәсімінде аудан әкімінің орынбасары Ж.Тажмаханов және фильмнің авторы әрі режиссері, Бүкілдүниежүзілік «Алтын сапран» кинофестивалінің жүлдегері, халықаралық «Алаш» әдеби сыйлығының лауреаты Д.Тұрлыбек сөз алып, деректі фильмнің сәтті түсіріліп, оның қалың көрерменге жол тартуына қолдау білдірген азаматтарға алғысын білдірді.