«Қазгидромет» РМК атмосфералық фронттардың өтуіне байланысты Қазақстанның басым бөлігінде жауын-шашын жауып, найзағай ойнап, оңтүстікте шаңды дауыл тұратынын мәлім етті, деп хабарлайды Baq.kz ақпарат агенттігі.

Кей жерлерде жел күшейіп, тұман түседі.

Ақмола, Қостанай, Павлодар, Шығыс Қазақстан, Солтүстік Қазақстан, Жамбыл облыстарының кей жерлерінде жел 15-20 м/с күшейіп, тұман түседі, Шығыс Қазақстан, Солтүстік Қазақстан, Жамбыл облыстарында найзағай болады.

Алматы, Қарағанды облыстарында, күндіз Батыс Қазақстан облысында, түнде Ақтөбе облысының кей жерлерінде жел 15-23 м/с күшейіп, найзағай жарқылдайды.

Қызылорда облысында, күндіз Оңтүстік Қазақстан облысының кей жерлерінде жел 15-20 м/с күшейеді, Қызылорда облысында шаңды дауыл болады.