Көшпенділердің арасында қалыптасқан дала заңы бойынша құс жұмыртқалап, аң мен мал төлдейді, жыртқыш күшіктейді. Табиғат тепе-теңдігін сақтау үшін бәрі де болу керек. Қазақ құмырсқадан бастап, барлық түз тағдырына дейін тиісуді қойып, үркітуге тыйым салған. Мысалы, торғайдың жұмыртқасын ұстауға болмайды. Онда торғай жеріп, жұмыртқасына қарамай кетеді екен. Балаларға құстың жұмыртқасына, өзіне тиіссең қарғайды деп үйреткен. Мысалы: «Торғай, торғай атым бар, Бір жапырақ етім бар. Әкең жауға кеткенде, Шешең өліп, жетім қал» - деп қарғайды екен. Тіпті, құс келіп, үйдің ішіне ұя салса, қуанып, ырымдаған. Кезінде Төле би бабамыз өз киіз үйіне ұя салған қарлығаштың балапаны қанаттанып ұшып кеткенше жайлауға көшпей отырыпты.