Денсаулық акциясы өтуде
Спорт – әскери қызметтің бір саласы болғандықтан, осы бағытты одан әрі жетілдіру мақсатында әрі ҰҚК Шекара қызметінің құрылғанына 26 жыл толуына байланысты 29 шілдеден бері «Шекара және денсаулық» акциясы өтуде. Онда қаладағы №2019 әскери бөлім қызметкерлері акцияның әр күнінде белгіленген спорттық шараға белсенді үлес қосты. Сонымен қатар әскерилердің отбасы да қолдау көрсетуде.Өткен жексенбіде аталған әскери бөлім қызметкерлері отбасымен бірге қатысқан велошеру Президент саябағынан басталды. Сырдария өзенін жағалай «Қорқыт ата» аллеясында қорытыланған шеруде 78 шекарашы 8600 метр шақырымды жүріп өтті. Айта кету керек, бұл акция 19 тамыз күні №2019 әскери бөлімінде эстафетамен қорытындыланады.
Ержан ҚОЖАС
