Жалағаш ауданында Қазақстанның еңбек сіңірген қайраткері, айтыскер ақын, композитор, әнші Елена Әбдіхалықованың шығармашылығына арналған ән байқауы өтті. Сайыс ережесінде жас өнерпаздар І кезеңде Елена Әбдіхалықованың шығармашылығынан ән орындаса, келесі кезеңде Астана, Қызылорда қалаларына арналған ән орындауы шарт.

Оларға қазылық еткен өнер майталмандары үміткердің орындаушылық шеберлігін, ән айту мәнері мен дауыс ырғағына, әнді жанды дауыспен орындауын, сахна мәдениеті мен киім үлгісіне мән берді.

Байқауда нәтижесінде бас жүлдені Далдабай ауылынан келген Орнықхан Фазыл жеңіп алды. Келесі орындарды Бұқарбай ауылдық округінен қатысқан Ботагөз Садықова иеленсе, ІІ орынды Серікбол Жақсылық (М.Шәменов ауылы), Аружан Төлепберген (Мәдениет ауылы) өзара бөлісті. Ал ІІІ орында Гүлсім Әбжапбарова (Мақпалкөл ауылы), Нұрболат Шалабай (Жаңадария ауылы), Аманжол Жорабек (Аққыр ауылы) еншіледі. Жас өнерпаздарды сазгер Елена Мәжитқызы марапаттап, бағалы сыйлықтар табыс етті.