Қызылорда облысы жастар саясаты мәселелері басқармасының тапсырысы бойынша "Ұлағат Ұландары" жастар қоғамдық бірлестігінің ұйымдастыруымен «Педагогикалық жасақтардың қызметін ұйымдастыру» әлеуметтік жобасының аясында 2018 жылдың 1 маусым және 10 маусым күндер аралығында аймағымызға қарасты «Қамбаш» (Арал ауданы), «Шағала» (Қазалы ауданы), «Ақтерек» (Жалағаш ауданы), «Жалын» (Сырдария ауданы), «Сырдария» (Қызылорда қаласы), «Сыр Ұланы» (Шиелі ауданы), «Талды су» (Жаңақорған ауданы), «Тау самалы» (Жаңақорған ауданы) жазғы тынығу лагерлерінде педогогикалық жасақ құрамындағы жастар педагог ұйымдастырушы болып қызмет жасады.

10 күндік демалыс уақытында балалардың демалысын қызықты етіп өткізу мақсатында «Біз бақытты балдырған», «Лагерьге саяхат», «Суретті аяқта», «Сәттілікке қадам», «Жайдарман» тақырыптарында ойын тренингтері мен мерекелік шаралар ұйымдастырылды. Балалардың көңілінен шыққан шаралар оң баға алып демалыс күндері ұмытылмастай өткендігі туралы жарыса айтты. Өздерінің ұмытылмастай өткен күндері туралы ВКантакте және Instagram әлеуметтік желілерінде жақсы пікірлер қалдырды.