Қазақстанның көптеген қалаларындағы метеорологиялық жағдай 10 қыркүйек күні жайлы болады, деп хабарлайды ҚазАқпарат «Қазгидромет» РМК-на сілтеме жасап. Атмосфералық ауаның ластануы тек Атырау, Орал, Шымкент қалаларында күтіледі. Ал Қарағандыдағы ауа сапасы атмосферада ластанушы заттардың жиналуына ықпал етеді. Еліміздің қалған өңірлерінде жайлы метеожағдай қалыптасады. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.