Алдымен 12 шақырымдық құнан бәйгеде Шиелі ауданы Бала би ауылының «Нар қызыл» есімді күрең аты өзгелерді шаң қаптырып, бас бәйгені жеңіп алды.
Тоқ бәйгеде 18 шақырымды Арал ауданы Жақсықылыш кентінің «Баққұс аты» есімді торы аты басқалардан бұрын бағындырып, топ жарды.
Ат жарысының көркін қыздырған 27 шақырымдық аламан бәйгенің бас жүлдесі Арал ауданы Тоқабай ауылының «Бас Батыр» атты торы қасқасына бұйырды. Аламан бәйгеде бас жүлдеге тігілген автокөлік кілтін аудан әкімі Мұхтар Оразбаев жеңімпазға табыс етті.