"АҚМЕШІТ ЖАСТАРЫНЫҢ" КУБОГІ КІМГЕ БҰЙЫРАДЫ?
"Ақмешіт жастары" газетінің 5 жылдық мерекесіне орай тағы бір шара ұйымдастырылды. Қыркүйектің 22-сінде Нартай Бекежанов атындағы драма театрда "Жайдарман" ойындарының жаңа маусымы ашылады. Аймақтың маңдайалды командаларының қатысуымен өтетін көңілді кешке жастар газеті арнайы кубок тігеді. Әзіл аламанында көрермен көңілінен шыққан команда басылымның бас бәйгесін қанжығаға байлайды. Қазақстан КВН одағы Қызылорда филиалымен бірлесіп ұйымдастырған көңілді кеш көптің көңілінен шығары анық. Ендеше "Жайдарманнан" жадырап қайтыңыз, көрермен. 
