Шоколад, шай, шарап пен кофе құрамына кіретін гидрохинондардың мырышпен үйлесімі қартаю процесін бәсеңдетеді. Бұндай қорытындыға Германияның Эрланген-Нюрнберг университетінің ғалымдары келді.

Phys.org порталында жарияланған мамандардың зерттеуінде мырыш ағзадағы қышқылдану процесінің алдын алатын гидрохинон топтарын белсенді етеді делінген.

Мырыш пен гидрохинонның бірігу процесінде супероксиддисмутаза ферменті сияқты кешен пайда болады. Ол ағзаны тозудан сақтап, антиоксиданттық әсер береді.

«Известия» басылымының мәліметінше, осылайша, ағзаға зақым келтіретін процестердің алдын алып, қартаюды баяулатуға болады.