ОҚУШЫЛАР ЖУРНАЛИСТИКА САЛАСЫНЫҢ ҚЫР-СЫРЫН ҮЙРЕНДІ
«Agbulag» оқу орталығында оқушыларға арналған журналистік және актерлік шеберлікке баулитын оқыту курсы ұйымдастырылды. Шеберлік сабағын режиссер, «Орда» киностудиясының басшысы Жеңісбек Сүйіндіков жүргізді.Теориялық әрі практикалық жұмыстары барысында оқушылар журналист болудың, телебағдарлама мен телешоу жасаудың, режиссер мен актерлік өнердің қыр-сырымен танысып, үйренді. Ең қызығы, қатысушылар өздері фильм түсірді. Қатысушылар кәсіби телевизиялық студияда жұмыс жасау мүмкіндігіне ие болды. .
Оқыту курсын толық аяқтаған қатысушылар өздерінің төл туындыларының тұсаукесерін жасады. Тынымсыз әрі нәтижелі жұмыстары үшін балаларға сертификат табысталды.
Айта кетейік. «Agbulag» аймақтағы жастардың білімін жетілдіріп, бос уақытын тиімді пайдалануға, балалардың өмір сүру сапасын жақсартуға бағытталған шараларды атқару мақсатында «Garnet Garden» компаниясымен бірлесіп құрылған оқу орталығы.
