Қазақстанда мемлекеттік қызметтің 78%-ы электронды форматта көрсетіледі және алдағы екі жылда бұл көрсеткіш 90%-ға жетеді. Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев Астанада Азия және Тынық мұхит аймағының елдері үшін коррупцияға қарсы бастамалардың қоғамдық парасаттылық желісінің мемлекеттік сатып алулар саласындағы сыбайлас жемқорлықтың алдын алу мәселелеріне арналған кезекті отырысында айтты. Өз сөзінде Агенттік басшысы кәсіби және сыбайлас жемқорлықтан азат мемлекет қалыптастыруда Қазақстанның бірнеше маңызды кезеңнен өткенін атап өтті.  Бүгінде Қазақстан БҰҰ тиісті рейтингінде электронды үкіметті деңгейі жоғары елдердің қатарына кіріп тұр», - дейді Агенттік төрағасы. Қазақстан БҰҰ Сыбайлас жемқорлыққа қарсы конвенциясын ратификациялап, ЭЫДҰ Сыбайлас жемқорлыққа қарсы Ыстанбұл іс-қимыл жоспарына қосылған. 2025 жылы Қылмыстың алдын алу мен қылмыстық сот төрелігі жөнінде БҰҰ Конгресін өткізуге дайындық жүріп жатыр.]