Республикалық ғылыми жобалардың конкурсында Қызылорда облыстық Қазақстан халқы ассамблеясы жанындағы ғылыми-сарапшылық топтың мүшесі, саяси ғылымдарының кандидаты, қауымдастырылған профессор Мұрат Насимовтың жұмысы үздік 10 жоба қатарынан табылып, Гран при номинациясына ие болды.Ғалым байқауға «Жаңа технологиялық тәртіп шарттарындағы ақпарат және киберәлеуметтену» атты еңбегін ұсынған болатын. Айта кетейік, байқауды Қазақстан Республикасы Президентінің жанындағы Мемлекеттік басқару академиясы мен Қазақстан халқы Ассамблеясы бірлесе отырып ұйымдастырған.