25 жастағы келіншек бірден жеті баланы дүниеге әкелді
Иракта жас келіншек бірден жеті баланы дүниеге әкелді. 25 жастағы Дияла тұрғыны бір күнде 6 қыз, 1 ұлдың анасы атанды. Жергілікті баспасөз құралдары бір сәтте танымал болған сәбилердің суретін желіге жүктеп, қуанышты жаңалықпен бөлісті, деп жазады Stan.kz.
Сүйінші жаңалық желіде тез таралып, жаңа туған сәбилер бірден танымал болды.
Қалалық денсаулық сақтау департаментінің төрағасы Фира Әл-Иззави жас ананың сәбилерді табиғи жолмен дүниеге әкелгенін және барлық нәрестенің жағдайы бір қалыпты екенін мәлімдеді.
Босану процесі сәтті өтуі үшін босандыруға дәрігерлердің үлкен ұжымы қатысты. Ақыр соңында барлығы сәтті аяқталды.
“Біз көпбалалы болуды жоспарлаған емеспіз, Алла бізге осылай үлкен сый берді, біз оны қабыл алдық”, – деп ағынан жарылды бір күнде 7 баланың әкесі атанған Юсеф Фадл.
Айта кетейік, Табиғи жолмен жетемнің туылуы Иракта алғаш рет тіркеліп отыр. Десек те, өткен жылы дәл осыған ұқсас жағдай Ливанда тіркелген. Ол кезде әйел 3 қыз, 3 ұлды бірден дүниеге әкелген болатын. Ал одан бұрын ол отбасында 4 бала болған.
