Жаңа футбол маусымы алдында «Қайсар» футбол клубының ойыншыларын таныстыру рәсімі өтті.Кезекті ел біріншілігіне Қызылорданың «Қайсары» тыңғылықты дайындалды. Түркияда екі рет оқу-жаттығу жиынын өткізді. 8 жолдастық-бақылау кездесуін өткізіп, екі ойында жеңіске жетті. Жаттығу жиындары барысында клуб басшылығы 7 жаңа ойыншымен келісім-шартқа отырған. Командада Аруба, Конго, Португалия, Франция елдерінің легионерлері бар. Шара барысында клубтың жаңа формасы да таныстырылды

− Биылғы маусымда «Қайсардың» намысын қорғайтын футболшыларға үлкен жауапкершілік артылады. Жыл өткен сайын нәтиже жақсарып келеді. Өткен маусымның қорытындысында Сырдың бас командасы белгіленген межені орындап, үздік бестікке енді. Биылғы чемпионатта жүлдеге қол созсақ деген мақсатымыз бар. Бастысы, қорғаныста сауатты, шабуылда ширақ қимылдасақ, техникалық жағынан түсіністік, бір-біріне деген сенім жоғары болу керек. Оның үстіне "Қайсардың" жанашыр жанкүйерлері жетерлік, олардың қолдауы командаға жігер сыйлайды. Жаңа маусымның жақсы қорытындысымен Еуропа лигасына жолдама алуымыз тиіс, - деді облыс әкімі Қ.Көшербаев.