Дұғалова, Сәдуақасова және Төреғали: Елорданың атын ауыстыру құрметіне өткен концертке қандай жұлдыздар келді
Алматы облысы елорданың жаңа атауын қолдайды. Осындай мақсатпен күні кеше Талдықорған қаласында үлкен концерт өтті. Шараға Қазақстан эстрадасының жұлдыздары қатысты, деп хабарлайды Stan.kz
"Алматы облысы Елбасымен бірге" атты мега концертке Мәдина Сәдуақасова, Жанар Дұғалова, Әли Оқапов және Төреғали Төреәлі сынды өнер иелері қатысқан.
Баспасөз қызметінің мәліметіне сүйенсек, "Жастар" алаңында өткен мерекелік шараға 23 мың тұрғын келген. 24 наурыз күні ғана келіншегі мен ұлын перзентханадан шығарып алған Төреғали Төреәлі концертке бір топ күзетпен келді. Ал Мәдина Сәдуақасова Instagram-дағы парақшасында Алматы облысының әкімі Амандық Баталовпен бірге түскен видеосын жариялады.
