Қазақстандық танымал әнші Мәдина Сәдуақасова Ләйлә Сұлтанқызы жүргізетін "The Эфир" жобасының жаңа қонағы болды, - деп хабарлайды Tengrinews.kz тілшісі. Мәдина Сәдуақасова күйеуі және енесімен қарым-қатынасы жайлы әңгімелеп, отбасылық өмірге деген көзқарасы туралы айтып берді. Сондай-ақ, әнші Қазақстан бойынша өткізетін сапарына тоқталып, бала көтеру жайлы жоспарларын бөлісті.  Мұнымен қоса, Сәдуақасова сұхбатында мансап жолындағы қателіктерін еске алып, 22 жыл сахнада өткізген уақыты мен тыңдармандары және марапаттары жайлы әңгімеледі.  Айта кетейік, Мәдина Сәдуақасова 13 жасында "Әнші балапан" байқауына қатысқан. "Музыкальный вояж", "Жас Қанат" және "Голос Азии" байқауларына да қатысқан. Сонымен қатар, Мәдина Сәдуақасова "Қазақстан Республикасының Еңбек сіңірген қайраткері" атағына ие.
 https://kaz.tengrinews.kz