Көптің көкейіндегі сауалдарға жұп "Қалаулым" бағдарламасында жауап берді, деп жазады Stan.kz.

Еркебұлан достарымен бір жаққа баратын болса, Жанеркеден сұрана ма? Елді қызықтырған бұл сауалға азаматтың өзі жауап берді.

"Сәтпаев қаласында клубқа, ешқайда бармаймын. Балалармен гаражға кеттім деймін, сомен қалады. Ал моншаға бір жаққа барайын десем: "Мен де барам", - дейді. Достарыммен бір жерге жинала қалсақ: "Мені апармайсың ба?" - деп шығады. Сәтпаев қаласында үнемі өзіммен бірге ертіп жүремін. Өйткені онда туысы да, құрбысы да жоқ. Анам да "Еркебұланмен бар, ыдысты өзім жуа саламын" деп сыбырлайды екен", - дейді отағасы.

Бұдан өзге Еркебұлан үйде ақшаны кім ұстайтынын ашып айтты. 

"Кезінде мамандық бойынша ортопед-стоматолог болып жұмыс істегенмін. Сол уақытта күнделікті ақша ұстап жүретінмін. Қалай әйел алдым, бәрі құртылды ғой. Анда-мұнда кетіп қалады. Содан кейін "құрысын, өзің ұсташы" деп бердім. Бірақ кәдімгідей есебін сұрап аламын. 

Ата-анамыз кейде керегін айтуға ұялады ғой. Өзіміз жинап-жинап, ата-анамызға ұстатамыз", - дейді Еркебұлан.