Қызылордада  республикалық  «Жолда қабылдау»  акциясы   басталды.

Халықпен кері байланысты орнату, полиция бөліністері басшыларының тұрғындармен жеке кездесуін қамтамасыз ету мақсатында   акция облыстың барлық аудандарында және облыс орталығында өткізіледі. Департамент бастығы Қайрат Мұхитов бастаған қызметкерлер тобы мобильдік қабылдау жүргізді. Азаматтардың көп жиналатын орындарына «Жолда қабылдау» деп жазылған ақпараттық плакатпен рәсімделген автобустар арнайы барып, кезінде тұрғындарға  электрондық үкімет порталы арқылы мемлекеттік қызметтердің қолжетімділігі, онлайн режимде айыппұлды төлеу, тәртіп сақшыларының заңсыз әрекеттері мен шешімдеріне шағымдану тәртібі туралы құқықтық кеңестер берілді. Екі күн қатарынан Халыққа қызмет көрсету орталығы, тіркеу-емтихан бөліністері, жол-техникалық бақылау және әкімшілік практика мамандары да жұмыс істеді.