Белгілі продюсер Гүлзира Айдарбекова әлеуметтік желідегі парақшасында анасы туралы естелігін бөлісіп, желі қолданушыларының жүрегін елжіретті, деп хабарлайды Stan.kz.

"Иә, өмір өз дегенін алады. Анашым өмірден озғанымен, артынша қаншама ұрпағы қалды. Енеме не анашыма бірінің көзі, біреуінің өзі, ал біреуінің сөзі ұқсап қалғандай. Алла – шебер!" - дейді продюсер. 

Әрі қарай отбасылық бейнежазбаны бөліскен Айдарбекова шүкіршілік айтып, ұрпағының амандығын тіледі. 

"Анамыздың шаңырағының түтінін түтетіп, ұйытқысы болып, ұрпағын көбейтіп отырған, өмірінің жалғасы жеңге-келіндер аман болсын! Сіздер мен біздерге, немере-шөбере-шөпшектеріне Алла анамның жасын берсін", - деп тілек білдірді ол.