«Мұз айдыны» спорт кешенінде мәнерлеп сырғанаудан Әлем чемпионатының күміс жүлдегері Элизабет Тұрсынбаеваның жүлдесіне арналған «Көктем жұлдыздары» республикалық ашық турнирі өтті. Шара барысында облыс әкімінің орынбасары Руслан Рүстемов турнирдің ашылуымен құттықтап, сөз сөйледі. Элизабет Тұрсынбаева турнир қатысушылары мен көрермен қауымға өз өнерін көрсетті.

        Республикалық турнирге Өзбекстан, Нұр-Сұлтан, Алматы, Шымкент қалаларынан, Ақтөбе, Қостанай, Қарағанды және Қызылорда облыстарынан 8 команда бойынша 150-ге жуық мәнерлеп сырғанаушы қатысты. Элизабет Тұрсынбаева жүлдесіне арнап алғаш рет ұйымдастырылған жарыста 2002-2013 жылы туған мәнерлеп сырғанаушылар қысқа және еркін бағдармада бақ сынасты.