Алматыда ер адам туған әкесін пышақтап өлтірген. Ер адам тұтқындалды, деп хабарлайды Stan.kz ақпарат агенттігі қалалық полиция департаментінің баспасөз қызметіне сілтеме жасап. 
Оқиға қаладағы жекеменшік үйлердің бірінде орын алған. 
«Түркісіб аудандық полиция басқармасына Орджоникидзе көшесіндегі жекеменшік үйлердің бірінде ішімдік ішу кезінде ұлының туған әкесін пышақтап өлтіргені туралы қоңырау түсті. Тергеу барысында анықталғандай, ер адам әкесімен бірге ішімдік ішіп отырып, қайтыс болған анасы үшін сөзге келіп қалған. Соның салдарынан егде жастағы ер адам кеуде тұсынан екі рет пышақ жарақатын алыпты», - дейді полиция департаментіндегілер. 
Белгілі болғандай, ер адам ауруханада көз жұмған. 
Жедел іздестіру шараларының барысында күдікті ұсталды. Ол өз кінәсін толықтай мойындады. Ер адам бұған дейін сотталған екен. 
Қазіргі уақытта сотқа  дейінгі тергеу амалдары жүргізіліп жатыр.