Өнер иесі әлеуметтік желідегі парақшасында балабақша тәрбиешісінің екі сәбиді ұрып жатқанын бейнежазбамен бөліскен болатын. Оның айтуынша, Instagram бұл видеоны бұғаттап, енді тіпті проюсердің парақшасындағы жазбаларды оқырмандары көре алмайтын етіп тастаған.

«Инстаграм балаларды ұрып жатқан тәрбиешінің видеосын бұғаттап тастады. Қажет емес кезде шектеу қойып отыр. Менің жазбаларымды көп адам көре алмайды», - деп наразылық білдірді. 

Еліміздегі түйінді мәселелерді шешетін уақыттың келгенін жазып ашынды продюсер. Барша халықтың қауіпсіздікте өмір сүргісі келетінін жазып, ашуға булыққан продюсер тыныштықты қадағалау керек екенін жеткізді.

«Бір сөзбен айтқанда, елімізде шешілмеген мәселелер өте көп. Педофилия, зорлау, ұрлық, адам өлтіру. Ішкі саясат пен әлеуметтік мәселелерді қолға алатын уақыт келді. Біз қауіпсіздікте өмір сүргіміз келеді», - деп жазды Алуа Қонарова.

Продюсердің бұл жазбасы желі қолданушыларының арасында талқыға салынды.