"Атаңның басы халық үшін": Дариға Бадықова өнер адамдарын өз ісін міндетсінбеуге шақырды
Жылдың үздік актрисасы атанған Дариға Бадықова әрбір өнер адамының шындап келгенде өзі үшін еңбектенетінін айтты, деп хабарлайды Stan.kz ақпарат агенттігі The Эфир бағдарламасына сілтеме жасап.
Актриса үздік атанғанына қарамастан, өмірінде айтулы өзгеріс болмағанын айтады.
«Жылдың үздік актрисасы болдың. Не өзгерді? Не бопты енді? Армандаған нәрсеңмен жұмыс істеп жатсаң, ақшаңды тауып, ешкімге міндет қылмай тыныш қана жүре бер. Ең бастысы, халыққа ұнасаң болғаны. «Халық үшін» деп айтып жатады. Атаңның басы халық үшін. Бірінші өзің үшін ғой. Киноға түсіп жатқан кезде, бірінші рет спектакльде ойнап жатқан кезде қай жақтың халқын білесің?» - деп күлді актриса.
Әрі қарай ол халық үшін деп қызмет етпес бұрын оның сөзін сөйлеуге әзір болу керектігін ескертті.
