Кездесуде Халықты жұмыспен қамту орталығының маманы А.Сағындық жастарға қайтарымсыз грант алу және кәсіпкерлерге 6% үстемемен несие беру,  «Бастау бизнес» бағдарламасы аясында қысқа мерзімді оқыту, сондай-ақ жастар тәжірибесі тақырыбында кеңес берді. Қаракеткен ауылдық округінің жастарымен пікір алмасу барысында олардың ұсыныс-пікірлері тыңдалды. Кешкі мезгілде спорт алаңында жастардың тұрақты спортпен шұғылдануы үшін жұмыс кестесі бекітіліп, алдағы уақытта спорт нұсқаушысымен бірге жұмыс жасайтын болды. Ал қыздар тігін үйірмесін ашу және тұрақты түрде жұмысын жүргізу жөнінде ұсыныс айтты. Сондай-ақ ауыл жастары «COWORKING» орталығына келіп, қажетті ақпараттар алуға және бос уақытын тиімді өткізетін болып келісілді. Жазғы демалыс уақытында ауыл жастарына арналған іс-шара жоспары бекітіліп, түрлі бағытта (спорттық, мәдени, кәсіптік және т.б) шаралар ұйымдастырылатын болды. Ал М.Шәменов ауылдық округінің жастарымен пікір алмасу барысында қайтарымсыз грант алуға 8 жұмыссыз жас ниетті екенін білдірді, сонымен қоса «Zhas prodjekt» жобасы бойынша жеңімпаз атанған бір жас қайтарымсыз грант арқылы кәсібін жалғастырады.