7 мамыр –  Қазақстан Республикасының Отан қорғаушылар күніне орай  Бидайкөл ауылында тағы бір халыққа қызмет көрсетуші кәсіпкерлік нысаны – жиһаз жасау цехы салтанатты жағдайда ашылды. Шарада аудан әкімі Әшім Оразбекұлы сөз сөйлеп, тұрғындарды айтулы мерекемен құттықтап, ашылған нысанның жұмысына сәттілік тіледі. Гигант ауылдық округінде кәсіпкерлік саласы жылдан-жылға дамып келеді. Елді мекенде 25 кәсіпкерлік нысан жұмыс жасауда. Соның бірі осы – жиһаз жасау цехы. Нысанның иесі Айдос Серікбайұлы өз қаражатының есебінен шағын «Жиһаз жасау цехын» ашып, жұмыссыз екі ауыл тұрғынын жұмыспен қамтуда. Жеке кәсіпкер, өз тұрғын үйінің алдында тапсырысқа сәйкес кез келген жиһаз түрін жасап береді.