«Үйім жоқ еді. Өмірде көп қиындық көрдім. Ендігі отбасымның басында баспанасы барына қуаныштымын. Екі бөлмелі пәтеріміз бар. Өз үйім болады деп үміттенбеген едім», - дейді Нұргүл.

Отбасыға баспананы кәсіпкер Фархат Шайымқұлов алып берген. Кәсіпкер бұған дейін мұқтаж отбасыларға азық-түлік пен қажет заттарын алып беріп келген. Ол қолынан келгенше қайырымдылық шараларға қатысып тұрады екен. 

«Мұқтаж отбасыларды, олардың жағдайын көріп, оларға көмектесу Отан алдындағы парызым деп ұйғардым. Елімізде пәтер ала алмай жүрген көпбалалы отбасылар көп. Қасиетті Рамазан айы – бұл игі істерді жасаудың мүмкіндігі. Мен мұсылман ретінде, өз елімнің патриоты ретінде әлеуметтік аз қамтылған отбасыларға көмектесе аламын деп ойлаймын», - дейді Шайымқұлов.