Облыстық ІІД Есірткі бизнесіне қарсы күрес басқармасы мен кинологиялық қызмет орталығына 5 автокөліктің кілті табысталды.
Аталған көліктер қызмет сапасын жақсартуға көмектеседі. Мәселен САN-AM Commander 800 DPS пен «Toyota HILUX» автокөліктері күрделі аумақтарды жоғары жылдамдықпен жүріп өту мүмкіндігіне ие болса, ГАЗ-27527 «Соболь» автокөлігі иттерді тасу үшін жарақтандырылған. Айта кету крек, көліктер еліміздегі АҚШ елшілігінің қарамағындағы Әскери ынтымақтастық бөлімінің қолдауымен қайтарымсыз негізде алынған.
ҚР Ішкі істер министрлігі Есірткі бизнесіне қарсы күрес және есірткі айналымын бақылау департаменті бастығының орынбасары полиция полковнигі Ардақ Ерсейітов аталған автокөліктер Есірткіге қарсы күрестің халықаралық бағдарламасы шеңберінде сатып алынғандығын және жету жағдайы күрделі аумақтарда жедел іздестіру шараларын жүргізу үшін қолданылатындығын атап көрсетті.
Айгүл ӘЛІШЕРОВА