Бүгінде "отбасы ошақ қасындағы әңгімені" дау қылып, сотқа жүгінетіндердің саны артып келе жатыр. Әрине жанұя болған соң ыдыс-аяқ сылдырламай тұрмайды. Дегенмен не болса соған жанжал шығару әсте дұрыс емес. Мамандардың айтуы бойынша бүгінде отау құрған жастардың көпшілігі дәм-тұзы жараспай, ажырасу үстінде. Оған айтар себеп те, сылтау да жетеді. Салдары қандай болатынын  кім ойлап жатыр дейсіз? Қазарігі таңда Қазақстанда ажырасқан отбасылар саны өршіп тұрғанын статистикаға сүйеніп-ақ байқауға болады. Елімізді былай қойғанда Қызылорда облысының өзінде ажырасқан отбасылар  саны мәз емес. Мәліметтерге сүйенсек: 2018 жылы облыста 5735 отбасы тіркеліп,  оның 1708 ажырасып кеткен. Ал 2019 жылдың 5 айында 2181 неке тіркелсе, небәрі 8 айға жетпей 860 отбасы ажырасп тынған. Орташа есеппен алғанда тең жартысы. Көңіл қуантарлық дүние емес. Әрине, әр қайсысына әр түрлі жағдай, себеп әсер етті делік. Алайда, ортадағы баланы, оның келешегін кім ойлап жатыр? Қазақстанның демографиясы қайда қалды?