Облыстық жастар саясаты мәселелері басқармасы және "Қызылорда облысының жастар Одақтары" ҚБ-нің ұйымдастыруымен, 2019 жылдың 24-27 шілде аралығында аудандық жастар ресурстық орталықтарының қолдауымен облысқа қарасты аудан орталықтарында «Жасыл елден-жарқын болашаққа» тақырыбында кездесу ұйымдастырылды. Кездесу, атап айтқанда Арал ауданында 26 шілде күні, Қазалы-Қармақшы аудандарында 25 шілде күні, Сырдария-Жалағаш,Жаңақорған, Шиелі аудандарында және Қызылорда қаласында шілде айының 24-күні өткізілді. Кездесу барасында «Жасыл ел» туралы ақпараттар беріліп, ұсыныс-пікірлер тыңдалды. Туған жерімізді көркейту-көгалдандыру жолында, еңбек ететін ерікті жастарға жігерлендіру сөздер айтылды.