Қызылорда облыстық ішкі саясат басқармасы мен «Самұрық» инновациялық идеяларды дамыту орталығы» қоғамдық қорының ұйымдастыруымен Қызылорда қалалық полиция басқармасында және облыстық жастар ресурстық орталығында «Құқықтық сана және мәдениет» тақырыбында сұхбат алаңдары өткізілді.

Шарада қоғамдық қордың директоры, заң ғылымдарының магистрі Ж.Тұсмағамбетов, қор директорының орынбасары Ж.Алтынбасова тұрмыстық сыбайлас жемқорлық пен құқық бұзушылықтың алдын алу бойынша хабарламалар жасап, қатысушылармен пікір алмасып, сұрақтарына жауап берді. Бұл бағыттағы шаралар жыл соңына дейін облыстағы бірқатар мемлекеттік мекемелер мен ұйымдарда өткізіледі.