"Сана" зияткер жастар мектебі" Қоғамдық Қорының ұйымдастыруымен Қызылорда облысының жастар саясаты мәселелерін дамытуға арналған әлеуметтік қызмет жұмысын ұйымдастыру  әлеуметтік жобасының аясында «Бәріміз біргеміз» ерікті жастар акциясы өткізілді.

         Еріктілер 9 жастағы Исламбек Ермухамбетов пен 10 жастағы Ақылбек Аблаз есімді балалардың үйінде болды. Сонымен қатар, 11 жастағы Юсуф Игебаев пен Дана Темірханның үйіне барды. Бұл іс-шарада оқушы мен еріктілер барлығы бірігіп әр түрлі қызықты ойындар ойнап, сурет салып қызықты уақыт өткізді. Балаларға арналған арнайы тренингтер жүргізді, психологиялық сұрақ-жауап алынды. Іс-шара балаларға көтеріңкі көңіл-күй сыйлады. Акция соңында оқушыға  сыйлықтар берілді.