Полиция өртеніп жатқан қойманың аумағын қоршауға алды. Жалынды сөндіруге 40-тан астам өрт сөндіруші жұмылдырылды  

Алматыдағы "Мезам" базарында қойма өртенді, деп хабарлады ТЖ комитетінің баспасөз қызметі.   

"Өрттің жақын орналасқан қоймаларға таралу қаупі бар", - деп атап өтті ТЖК.

Өртті сөндіруге 43 адам мен 12 техника жұмылдырылды.

Сондай-ақ өртті сөндіруге автопойыз аттанды, қосымша суарып жуатын машиналар жіберілді.

Полиция базар аумағын қоршауға алды. ТЖК мәлімдегендей, тәртіп сақшылары қоймалардағы тауарларды күзетеді.

Кейінірек өртті сөндіруге екі тікұшақ – Қазавиақұтқарудың Ка-32 және Алматы қаласы құтқару қызметінің Ми-8 тікұшағы тартылғаны белгілі болды.