Қазақ-британ наноспутнигі Илон Маск зымырандарымен бірге ұшырылады
Ғылыми мақсатта жасалған қазақстандық спутниктер АҚШ территориясынан Falcon9 зымыранымен бірге ұшырылады.Қазақстан Республикасының Қорғаныс және аэроғарыш өнеркәсібі министрлігінің хабарлауынша, дәл қазір спутниктер соңғы тексерулерден өтіп жатыр. Олар 2018 жылы ұшырылады деп жоспарлануда.
Аталған спутниктерді Spaceflight атты америкалық компания ұшыратын болады. Келісімшартқа сәйкес, қазақстандық спутниктер АҚШ территориясынан SpaceX компаниясының Falcon-9 зымыран-тасығышымен бірге ұшырылады. Әзірге келісімшарттың құны құпия сақталып отыр.Естеріңізге сала кетсек, мемлекет тапсырмасымен ғылыми-технологиялық мақсатта қолданылатын ғарыштық жүйе құрылмақ.
