Тәуекел Мүсілімнің жаңа образы халыққа жақпай қалды
Жақында жұртқа жаңа бейнебаянын ұсынған Кәмшат Жолдыбаева өз Instagram парақшасында Азамат Сатыбалды, Тәуекел Мүсілім және Нұрболат Абдуллинмен түскен суретін жариялады. Ал көпшіліктің көзі әнші қызға емес, танымал актердің жаңа образына түсті.
Кәмшаттың сөзінше, Шымкентке аттанып бара жатқан өнерпаздар жаңа бейнебаян туралы талқылаған.
Дегенмен, жұрттың назарын Кәмшат емес, образын өзгерткен Тәуекел Мүсілім аударды. Оқырмандардың бірі актердің өсіп кеткен шашы туралы айтса, енді бірі шалбарының тізесі шығып кеткен деп қынжылды."Шымкенттен ауылға қайтып барамыз. Азамат мені "Неге клипке мен емес, Тәуекел емес, Нұрболат емес, Руся түсті?" деп сұрақ астына алуда...",- деп жазған ол.
"Тәуекелдің тізесі шығып кетіпті ғой", "Алладиндегі" Джин сияқты неге шаш өсіріп алған?", "Тәуекелге не болған?", "Джинсыдың тізесі шығып кетіпті, бұрынғы Тәуекел емес", "Тәуекелдің образы нашар екен", "Түрік актері Буракқа ұқсағысы келе ме?", "Шашына не болған?" деп жазды олар.
